Rojnameyê Fransa Le Monde de yew nuşteyo ke bi îmzaya Marîe Jego amebi nuştene de binkewtişê Erdoganî îşaret kerd. Nuşteyî de bale ancîyaye polîtîkayanê AKP’yî ser û ame vatene ke Enqere ra dima beno ke Stenbol de zî bikero vîndî. Nuştoxe va nê weçînayîşî de serekkomarê Tirkîya Recep Tayyîp Erdoganî zaf giran kerd vîndî.

Nuşteyê Le Mondeyî de wina ame vatene: “Enqere û Stenbol, di dêzê AKP’yî yê muhîmî bîyî û 25 serrî yo ke kes nêeşka bikewo ci.”

Le Mondeyî cewabê nê netîceyî sey krîzê ekonomîyî musna. Rojnameyî bale ante, serra 2018’î de, se ra 30 waroginayîşê Lîraya Tirkî, vindertişê averşîyayîşî, vindertişê berardişê endustrîyî, berzbîyayîşê bêkarîye ser. Reyna rojnameyî vayîye sebeb musnaye û va Tirkîya de reya verêne ya ke anketan netîceyî tam zanayê. Rojnameyî bale ante ser ke bi mengan o anketî AKP’yî Enqere, Stenbol, Adana, Antalya û Mersîn de binkewte musnayêne.