Qezaya Bazîdî ya Agirî de 7ê adare de Endamê Meclîsê Ciwanan ê DEM PArtî Birîndar Gezîcî amebi destbendkerdene. Gezîcî qereqol de raştê îşkenceyê leşkeran û qoricîyan ame. Eşkera bi ke Gezîcîyî di rojan bi pense û çûwa asinîne îşkence dîyo. Gezîcî dima hetê mehkeme ra tepişîya û erşawîya zîndanî.

Waka Gezîcîyî Şerzane Gezîcî vera îşkenceyî nêrazîbîyayîşê xo mojna û pare kerd ke birayê ci hem qereqol de hem zî rayîrê qereqolî de îşkence dîyo û îşkenceyî ra rayîr de hişê ci şîyo. Şerzane vat: ''Qereqol de leşkeran û qoricîyan ancî bi çuwa asinêne û pense îşkenceyê birayê mi kerd. Înan çend reyî bi çeke dayo birayê mi ro. Nika sere û pirnikê ey de şikiteyî est ê. Wexto ke ma şîyî pêvînayîşê ey o payan ser ra zor vindertêne.''

Waka Gezîcîyî da zanayene ke no tabloyê îşkenceyî kînê dewleta tirke yê vera kurdan eşkera keno û vat: ''Nê kerdişî hoka ewnîyayîşî ya dewlete ya vera kurdan a. No tablo kîn, nefret û nîjadperestîyê vera kurdan eşkera kenê. Ma sey şarê kurdî na rewşe qebul nêkenê. Ma do pêro heqê xo yê huqûqîyî bişuxilnê û nê sîstemî teşhîr bikerê.''