Artêşa tirke her serre aşmanê hamnanî de koyanê Kurdîstanî de bi hewayêkê sîstematîkî şewatê daristanan vejena. Pê dîmenan û şahîdan eşkera yeno vînayene ke şewatî cara bi zanayîş yenê vetene.  Reyna mudaxalekerdişê şewatî zî bi hewayêkê sîstematîkî yeno astengkerdene.

Tewr peynî de dewa Dêrêsorî ya  bajarekê Bêspînî yê qezaya Silopîya ya Şirnexî  ya ke verojê Koyê Cûdîyî  de ya şewat vejîya. Şewato ke netîceya teqnayîşê tifinganê leşkeranê tirkan de vejîya, cirê mudaxele nîno kerdene.

Dewa Newala Îsaaxa ya Cizîre de zî cayanê ke leşkeranê tirkan de xebatê şuxulnayîşê tifingan kerdî, tede şewat vejîya. Şewato ke ver bi dewe vila beno, ci rê mudaxaleyêk nîno kerdene.