Aktîvîstanê Cinîyan ê Ciwanan ê Têkoşeran (TekoJIN) û Têgêrayîşê Ciwanan ê Şorişgêran (TCŞ) çarçewaya Hemleya ''Werin Cenga Azadiyê'' de paytextê Îngîlîstanî London û paytextê Fransa Paris de semedê azadîya fîzîkîye ya Rayberê Şarê Kurdî Abdullah Ocalanî çalakîye organîze kerde.

London de bi rayraşîyayîşêkî bale ameye antene tecrîdê Îmraliyî ser û kitabê destê ke qala pardîgmaya Abdullah Ocalanî kenî ameyî vilakerdnene. Çalakîye de Kawa Çekdarî ke bi nameyê ciwanan qisey kerd vat ê do heta azadîya Rayberîya xo payan ser bê. Ciwanî badê rayraşîyayîşî komele de tewr vîrardişê Anna Campbell ya birîtanyayîja ke Efrîn de hetê dewleta tirke ra ameye qetilkedene, bîyî.

Paris de kurdê ke verê Merkezê Komelê Demokratîkî yê Kurdan ê Evryî de ameyî têhet bi pankarta ''Abdullah Ocalanî rê Azadîye'' heta îstasyonê tranan ê Evryî rayra şîyî. Ciwanan ard ziwan ke şexsê Abdullah Ocalanî de heme kurdan rê îşkenceyo sîstematîk yeno kerdene û vat ê do heta azadîya fîzîkîye ya Ocalanî tim kuçeyan de bê.