Paytextê Îngilîstanî London û Paytextê Fransa Paris de tecrîdê vera Rayberê Şarê Kurdî Abdullah Ocalanî ame protestokerdene.

London de verê bînaya Rêxistina Efû ya Mîyanneteweyîye de çalakîye ameye kerdene. Çalakîye de sloganê sey "Free free Ocalan” ,"Duh Mandela, îro Ocalan", "Bijî Kurdistan, Bijî Ocalan”, “Bicehime faşîzma Tirk” ameyî vatene. Berfîne Dêrsim nameyê kome ser o qisey kerd û bêvengîya vera tecrîdî şermezar kerde. Berfîne venga Rêxistina Efû da ke erkanê xo bîyara ca.

Paris de tecrîdê Îmraliyî û hêrişê kîmyewîyî ameyî protestokerdene. Serkêşîya Meclîsê Şarî yê Drancyî de hêverî eşkerayîyêke ameye dayene. Eşkerayîye de venga OPCWyî dîya ke wa vera hêrişanê kîmyewîyan erkê xo bikero. Eşkerayîye de bale ameye antene ser ke CPT vera tecrîdî erkê xo nêkeno. Eşkerayîye de ame vatene ke seba çareserîya meseleya kurdan ganî tecrîd biqedo.