Kurdîstanijan û dostanê înan paytextê Lubnanî Beyrûd de Newroze fîraz kerde. Temsîlkarê xeylêk partî, hêzanê sîyasî û komeleyanê kurdan tewrê şayîye bîyî.

Girseyî hêverî adirê Newroze vist ta û dima qisey kerd. Qiseykerdişan de ame parekerdene ke kurdî do ser bikewê û adirê Newroze vera îşxalkeran do tim bivêşo.

Serekê Komeleya Newroze ya Lubnanî Cema Hesenî zî vat: ''Ma pîya ciwîyenê, vera îşxalî xîret kenê ke îdare û statuyê xo awan bikerê. Ma hêvî kenê ke Rayber Abdullah Ocalan zî mîyanê xo de bivînê.''

Sereka Komeleya Cinîyan a Jîne Buşra Alî vat: ''Newroze ganîbîyayîş, nîşaneya serkewtişî ya. Ma pê bawer ê ke azadîye, haştîye û têdûştîye do bêrê welatê ma.''