13ê gulane hêzanê Yewina Qesasî ya Şehîd Bedran Gundikremoyî vera MÎTî qereqolê Kanî Masî yê Başûrê Kurdîstanî de çalakîyêke kerde. Dîmenê çalakîye ajansê ma de weşanîyayî. Dima zî vizêr şewe ra nata xeylêk welatan ra vera ANFyî hêrişê sîberî yenê kerdene.

Vizêr şewe saete 03:00 ra nata welatanê cîyayan ra her hetî ra vera ajansê ma hêrişî yenê kerdene.

Fermandarîya  Yewina Qesasî ya Şehîd Bedran Gundikremoyî derheqê çalakîye de nê zanayîşî dabi: 

''13ê gulane yewina ma qezaya Amedîye ya şaristanê Dûhokî ya Başûrê Kurdîstanî de Qereqolê Kanî Masî de noqtayêka MÎTî kerde hedef. Noqtaya MÎTî netîceya çalakîya yewina ma de bi hawayêkê serkewteyî ameye pirodayene û dişmenan rê xeylêk zerar ame dayene. La hûmara kişte û birîndaran hema zelal nêbîye.''