Komîteya Amadekarîyan a Newroze Amed de bi kombîyayîşêkê çapemenîye derheqê amadekarîyanê xo de agahîyî dayî. Wekîlê DEM Partî Serhat Eren, îdarekarê DEM Partî û DBPyî yê Amedî, aktîvîstê TJA û xeylêk kesî tewrê kombîyayîşî bîyî.

Kombîyayîş de Serhat Erenî bale ante weçînayîşanê 31ê adare ser û venga şarê kurdî da ke sindoqan de îradeyê xo bimojno.

Sereka Komîteya Amadekarîye û Hemsereka DEM Partî ya Amedî Pinare Sakik zî ard ziwan ke vera Rayberê Şarê Kurdî Abdullah Ocalanî tecrîdêko giran yeno caardene û azadîya Ocalanî yena manaya azadîya kurdan.

Pinare îfade kerd ke meydanê Newroze do bieşkê azadîya Ocalanî bîyarê ca û venga pêro kesan da ke 21ê adare de Amed de adirê azadîye berz bikerê.

Pinare Sakik vat: ''Wext wextê şiknayîşê tecrîdî û caardişê azadîye yo. Teyna şarê Amedî ney ma venga pêro şaranê Kurdîstan û Tirkîya danê ke bêrê ma pîya Amed de adirê azadîye berz bikerê.''