Namzedê Şaredarîya Bedlîsî yê DEM Partî Mehmet Nazir Karabaşî derheqê xebatanê înan de ANFyî rê qisey kerd.

Karabaş 3yê çeleyê 1960î de Bedlîs de dadîya xo ra bîyo û Zanîngehê Uludagî ra mezun bi. Ey verê cî zî wekîlîya Bedlîsî kerdbî.

Karabaşî îfade kerd ke weçînayîşanê verênan de pêro îmkanê dewlete hetê îqtîdarî ra şuxilîyayî û hîleyî ameyî kerdene. Karabaşî vat: ''AKPyî bi zorî no şaristan vist destî. La DEM Partî naye ra pey şaristanî AKPyî rê nêverdê. AKPyî bi zor û hîleyan dest nayo şaredarîye ser la narey do bi hîleyan ser nêkewa. Hêzê ma est o ke ma Bedlîsî qezenç bikerê.

Sey partî ma do îdareyanê xo yê herêmîyan aver berê. Ma do şarê xo reyde qeraran bigêrê, komelî reyde bixebitê û têkoşîn bikerê. Ma do texrîbatanê îqtîdarî wedarnê, meseleyanê esnafan çare bikerê, cografyaya şaristanî bipawê. Ma çar çemanê Bedlîsî zî bivurnê baxçeyêkî. Ma do tim bi ferasetî têbigêrê.''