'Ma Kurdan û şarê Sûrîye têna nêverdenê'
Tewr tay 100 sîyasetmedar, hunermend û temsîkaranê dezgehanê komelî nêrazîbîyayîşê xo yê vera îşxalkarîya dewlete Tirkî ya serê Rojawanî eşkera kerd û vat: "Ma do Kurdan û şarê Sûrîye têna nêverdê"
Tewr tay 100 sîyasetmedar, hunermend û temsîlkaranê dezgehanê komelî nêrazîbîyayîşê xo yê vera îşxalkarîya dewleta Tirkî ya serê Rojawanî mojna û delarasyonêko hempar weşana.
Sîyasetmedar, hunermend û temsîlkaranê dezgehanê komelî eşkerayîye de vat: "Teriknayîşê Kurdan û şarê Sûrîye yena meneya ke Sûrîye de şansê haştîye do bêro qedînayene. No zî do bibe sedemo ke DAÎŞ ganî bibe û zafê kesî ca û wareyê xo ra bibê. Şervananê Kurdî, Erebî, Êzidîyî, Asûrîyî verba DAÎŞ'î têkoşînêko bêhempa kerd, nika zî zafê cîhadîstî girewtî. Ganî Konseya Asayîşî ya Neteweyê Yewbîyayeyî herêmêka asayîşêne saz bikê û seba vakurê Sûrîye bernameyêko pawitişî virazê. Ganî wareyê hewayî zî bêro girewtene."
