‘Ma mexdûran rê ney, qeyûman rê xîzmete kerde’
Şaredarîya Şaristanê Girdî ya Wanî seba ke şêrê herêma erdlerzî, her xebatkarê xo rê 50 hezar Tl dayî û erşawitî herême. La serekê daîreyan û 480 xebatkarî werdpewjîye ra vêşêr çîyêk nêkerd û agêrayî.
Erdlerzî ra dima Walî-Qeyûmê Wanî Ozan Balci serekê heme daîreyan û 48 xebatkarî erşawitî Meletî ke xebatanê erdlerzî bikerê. Qeyûm, heme serekê daîreyan û 480 xebatkarî şîyî Meletî la çîyêk nêkerd û agêrayî.
‘Ma tena seba qeyûmî xebitîyayî’
Keso ke hetê şaredarîya qeyûmî ra erşawîyaybî herêma erdlerzî, ey vat ke, ma 5 rojî herêma erdlerzî de mendî û ma çîyêk nêkerd.
Xebatkaro ke nêwaşt nameyê ci eşkera bibo, wina ard ziwan, ‘‘Wexto ke ma şîyî sazhegê sivîl û komelkîyî û xeylê zerrîwazî uca de bîyî û xeylê problemî safî kerdbî. Ma uca de tena seba qeyûm û serekanê dayîreyan rê xîzmete kerde.
