Kongreya 3. ya Meclîsê Ciwanan ê HDPyî bi şîarê nika wextê ciwanîye yo 26ê kanûne de Amed de ameye kerdene. Endamê  Meclîsê Ciwanan ê HDPyî Yusuf Alişî derheqê kongre û mucadeleyê înan de qisey kerd.

Yusuf Alişî ard ziwan ke kongreya ke rixmê heme zextan ameye kerdene semedê ciwanan bîye sebebê hêvîye û vat: ''Ma bi kongre resayê xeylêk ciwanan. Enerjî û coşê kongre ma pêrune hîs kerd. Rixê zextan, ablûqayan, destbendkerdişan  û cigêrayîşê 5 nuqtayanê cîya cîyayan ma kongre kerde. Rixmo ke Kurdîstan hende binê îşxal de yo ciwanan ramojne ke ê hema estê û sey lapetêk da rîyê înan ro ke ê raştîya xo xo vîr a nêkenê. Kongre de seba ke hende coş bibi tayî keyfan ra bermayî. Ma bi kongre reyna ramojna ke no mucadeleyo ke ma sey ciwanan serkêşîya ci kenê de rixmê zîndanan, surgun û qirkerdişan ma sereberz payra yê.''

Yusuf Alişî vat: ''Rîyê polîtîkayanê şerî yê dewlete ra seba ke tay rehet bikerê bi mîlyonan ciwanî bêkarê. Sîstemê yewmerdimî ameyoxê ma pêrone xesp keno. Hetêkî ra zengînî zêgînêr benê hetê bînî ra wendekarê unîversîteyî mecbûrê ke hem biwanê hem zî bixebîtîyê. Karkerî zaf xebityenê û tay qezenc kenê. Rîyê xorîbîyayîşê krîzî ra ciwanî bêhêvî yê. Ganî ciwanî rêxistinekerde vera sîstemî mucadele bikerê. Ma vera alternatîfê neweyî afernayî. Ciwanî ganî verê xo bidê muxalefetê teberê sîtemî. Ma hem xo aver benê heme cuya sîstemî red kenê. Bitaybetî seba ke ma  polîtîkayanê sîstemî yê bêehleqî yê ke Kurdîstan de vera ciwanan yenê rayraberdene pûç vejê çîyo ke destê ma ra yeno ma  kenê.''

Alişî derheqê hêrişanê vera HDPyî de nê vatî: ''Hêrişê vera partîya me eslê xo de raştîya nê welatî yê vera kurdan a. Sîstem her firset de keno ke kurdan qir bikero. Kiştoxê ke hêrişê kurdan kenê sey qehremanan yenê îlankerdene. Ma sîstem zaf hole sarisnenê. Yaroje vera banê rêxistina ma ya Îstanbulî hêriş ame kerdene.  Dewlete game bi game ma teqîp kena la kiştoxê bi çekanê ke kewenê bananê ma nînan nêvînena. Ma eşkerayîyanê wextê qirkerdişê vera hemraya ma Denîze Poyraz de zî dî ke xora nê hêrişî rîyê nînan ra yenê kerdene. Nika tecrîd têna Îmrali de vera Rayberê Şarê Kurdî Abdullah Ocalanî nê tecrîd vera heme kurdan esto. Vera tecrîd û heme zextan roje roja wayîrvejîyayîşê ercanê xo û yewîye ya.''