Wekîla HDPyî Zuleyha Gulum, Hemsereka Komeleya Heqanê Merdiman (ÎHD) Erene Keskîn û  Avûkata Heqanê Merdiman Gulserene Yolerî hêrişê Sakarya yê vera karkeranê kurdan ANFyî rê ercnayî.

Wekîla HDPyî Zuleyha Gulum vat: ''Heyf ke kerdişanê winasênan rê ceza nêna dayene, hukmkerdişêko raştikên nêno kerdene, tehqîaqt nêro akerdene. Polîtîkaya îqtîdarî ya vera kurdan bingeyê nê serebûtî amade kerd. Herinda prosesê çareserîye de şer, nîjadperestî û mîlîtarîz ameyî vistene dewre. Xeylêk hêzî na rewşe ra îstîfade kenê. ''

Hemsereka Şubeyê Îstanbulî ya ÎHDyî Gulseren Yolerî zî vat: ''Eşkerayîya walîyê Sakarya raşt nîya. Ma xo resna nê kesaç Goreyê zanayîşan hêriş hêrişo nîjadperest o. A herême de nifusêko nîjadperest û neteweperwer esto. Xeylêk wextî ra nata ma nêeşkenê uca de xebatan bikerê. Her tim meseleyê pîlî estê.''

Avukata Heqanê Merdiman Erene Keskîn zî vat: ''Nîjadperestî her tim sey nêweşîyêke yena pênasekerdene. La na meseleya sîstemî ya. Na cografyaya ma de çîyo xirab nîyo. Ma na cografya de nêeşkenê sûcanê nîjadperestîye ser o bifikirê, nîqaş bikerê. Na cografya cografyaya qirkerdişî ya. Oyo ke na cografya de sîstemê huqûqî viraşt Mahmud Esad Bozkurt o ke vatêne 'Eke tirk tirk nîyî, wezîfeyê to têna xizmetkerdişê tirkan o.'  Na cografya de rêxistinbîyayîşo tatlîter esto û polîtîkayê nîjadperestî yê dewlete tesîrê şarî zî kenê.''