Çarçewaya kampayaya wextê ci yo de bajarê Manchesterî yê Îngîlîstanî de afîşê Rayberê Şarê Kurdî Abdullah Ocalanî ameyî daliqnayene.  Vera Stadyumê Manchesterî de bînayêka berze ser o postero gird ê Ocalanî ame daliqnayene.

Postero ke cayo sixletî yê bajarî de ame daliqnayene zaf eleqa ante xo ser. Reyna xeylêk çatrayîranê bînan de zî posterî ameyî daliqnayene.

Posterê ke do hewteyêk daliqnayene bimanê ser o persê ''Ti eşkenî/a zîndanêkê tirkî de bi rojan binê tecrîdî de weş bimanê?'' ame persayene û dima nê ameyî nuştene:  ''Raybero Kurd Abdullah Ocalan 8400 rojan ra zafêr o ke zîndanê girewe yê tirkî de hucre de yeno tepiştene.''