23ê adare de polîsan bajaranê Paris, Marsilya û Draguignanî yê Fransa de bi hewayêkê hemwextî eşt xeylêk keyeyanê kurdan ser û 12 kesî destbend kerdî. Ewro zî  veng dîya 4 kesanê ke şirê qereqol de îfade bidê.

Bajarê Marsilya yê Fransa de kurdan û dostanê ci ewro vera zextanê Fransa yê vera kurdan çalakîyêke kerde. Polîsan xîret kerd nasnameyê çalakwanan bigêro û înan rê ceza binuso la bado ke şar nêrazîbîyayîş ramojna polîsî peyser agêrayî.

Çalakwanan sloganê sey ''Terorîst Erdogan'' û ''PKK ma yê'' eştî û dovîzê sey ''Merdimîye zaf çî deyndarê kurdan a'', '' Zextî nêeşkenê  ma vindarnenê'' û '' Macronî bi talîmatê Erdoganî kurdan rê xayînîye kerde'' kiriştî.

Çalakîye de bale ameye antene serê tecrîdê serê Rayberê Şarê Kurdî Abdullah Ocalanî zî û CPTyî rê ame vengdayene ke vera nayî têbigêro.