Kadroyê serkêşî yê PKKyî Ali Haytar Kaytan û Riza Altun ê ke şehadetê înan Kongreya 12. ya PKKyî de ame eşkerakerdene, taxa  Tuzluçayir ya Anqara de yenê vîrardene. Birayê Ali Haydar Kaytanî, Hayatî Kaytanî yo ke Îmrali de yeno tepiştene, semedê Kaytan û Altunî mesajê vîrameyîşî şawit.

Mesaj hetê Wekîla DEM Partî ya Dêrismî Aytene Kordu ra ame wendene.

Mesajê wina yo:

''Ez domanîya xo ra pêro emazanê ronayoxan sey hûmayanê zerrîya xo erjnana. Pêro emrê xo de mi cehd kerd ez pabesteyê nê hûmayan bimanî û hemrayê înan bî. Ma tradîsyonêkî ra yenê ke bawerîya ma mergî rê çîn a. Kulturê elewîyan de, kirmackî de vanê dinyaya xo bedilnaye. Semedê mi zî înan dînyaya xo bedilnaye. La cayê ma de yê.

Ez embaz Futatî ra zafêr bi embaz Rizayî ciwîyaya, ma pîya têkoşîn kerd. Masoteyanê tewr girdan ê cuya mi ra yew o. 22 serrî yo zîndan de ê tim vîrê mi de yê, ez kena layiqê înan bê. Ma nika kewnê rayrîrêkê neweyî. Ez zana ke no rayîr do ma xurtêr bikero.

Sere de sereyê hemrayanê Rayber Apoyî, sereyê keyeyanê ma û şarê ma weş bo. Ma do tim şima reyde bê.  Ma do pîya bi ciwîyayîşê, bi şima na raywanîya bianore pêro pîya bi azadîye tacîdar bikerê. Ma wina eşkenê bibê layîqê şehîdanê xo. Ez veng dana ke wa her kes tewrê na raywanîya bimbareke bibo. Ez reyna serweşîye wazena. Rûhê înan şad bo. Bi heskerdiş û hurmetî.''