Bajarê Marsilya yê Fransa de bi tewrbîyayîşê Komîsyonê Keyeyanê Şehîdan, Komîsyonê Bawerîyan, Meclîsê Cinîyan  û xeylêk kesan Merkezê Ciwanan ame akerdene.

Akerdişê meclîsî de dayîkanê şehîdan kurdale qesna. Dayîkan ra yewe  vateyê ''Ma ciwan dest pêkerd, ma do ciwan ser bikewê'' yê Rayberê Şarê Kurdî Abdullah Ocalanî vat. Naye ser o bi çapikan slogana “Bijî Serok Apo” bîye berze.

Dima ra merkez de eşkerayîye ameye dayene û bale ameye antene hemleya "Xo Bipawê, Xwe Biparêze" ya Têgêrayîşê Ciwanan ê Şorişgêran ê Ewropa ser. Eşkerayîye de ame vatene ke tecrîdê Îmraliyî, hêrişê vera Herêmanê Pawitişî yê Medya û konseptê şerê taybetî yê vera ciwanan pabesteyê yewbînan ê.

Badê qiseykerdişî bi deyîranê hunermendanê cayîyan govende ameye girewtene.