Bajarê Marsilya yê Fransa de semedê protestokerdişê Komployê 15ê Sibate yê vera Rayberê Şarê Kurdî Abdullah Ocalanî  rayrşîyayîşê hîrê rojan dest pêkerd.

Rayraşîyayîşo ke semedê azadîya Abdullah Oclanî yeno kerdene verê Şaredarîya Martiguesî ya Marsilya de saete 11. 00 de dest pêkerd. Marsilya, Montpellier, Draguigan, Bordeaux, Toulouse, Avignon û Marignan ra 167 kesî tewrê rayraşîyîşî bîyî.

Bado ke verê şaredarî de rêz ame girewtene vilawekêke ameye wendene û yew dosya teqdîmê şaredarî bîye. Çalakîye ewro do verê Şaredarîya Komunê Marignane de biqedîyo û roja îneyî tîya ra saete 9.00 çalakwanî do ver bi îstasyonê St. Antoine dest pê rayraşîyayîşî bikerê. Roza şemîyî zî do yîya ra heta Meydanê Canebiere yê Marsilya şirê û tîya mîtîng bikerê.