Mayanê Şemetî hewteyê 990inî yê çalakîya xo de Meydanê Galatasarayî de aqîbetê Yusuf Erîştîyî pers kerd. Erîştî 14ê adara 1991î de Belgradkapiyê Îstanbulî de dima ke ame destbendkerdene  hînî tira xeberêke nêameye girewtene.

Waya Erîştîyî Sevîme Erîştî bi hêsîran îfade kerd ke babîyê ci heta peynîya nefesê xo seba ke lajê xo bivîno têkoşîn kerdo.

Dima ke meydan de qeranfîlî ronîyayî çalakîye qedîyaye.