Mayanê Şemeyî Meydanê Galatasarayî de hewteyê 994inî de aqîbetê Alî Îhsan Dagliyî pers kerd.

14ê nîsana 1995î de dewa Eşme ya qezaya Farqînî ya Amedî de dima ke ame destbendkerdene tira xeberêke nêameye girewtene.

Pawitoxa heqanê merdiman Sevîle Turgut no hewte eşkerayîye wende. Sevîle îfade kerd ke Alî Îhsan Dagli pa 7 dewijanê bînan wextê operasyonê vera dewe de ameybi destbendkerdene. Sevîle da zanayene ke 1995 de rojnameyê Evrenselî de fotografê Dagliyî ameyo weşanayene.

Eşkerayîye ra dima Îrfan Bîlgîno ke birayê ci Kenan Bîlgîn vindîbîyayeyan ra yew o, vera qedexeyê keyfî yê vera meydanî nêrazîbîyayîşê xo mojna. Bîlgînî pare kerd ke ê do heta peynî hesab bipersê.