Mayanê Şemeyî çalakîya xo ya hewteyê 797ine viraşte. Na çalakîye de semedê Hemserekê Partîya Kede ya Şarî (HEP) ya Amedî Vedat Aydino ke bi destê dewlete ame qetilkerdene, edalet ame waştene. Çalakîya ke medyaya sosyale ser ra bîye de ame waştene ke wa qetilkarî bêrê cezakerdene.

Lajê Aydini Felat Aydinî vist vîrî ke polîsî ameyî keyeyê înan ra babîyê ey girwt, berd û vat:  Çi heyf ke babîyê mi şi reyna nêame. Cenazaya babîyê mi 7ê temmuze de qezaya Madenî ya Xarpêtî de kişta rayîrî de ameye dîyene ke ci rê îşkence amebi kerdene. Merasîmê babîyê mi de bi se hezaran kesî ameyî pêser, polîsan înan ser o zî guleyî varnayî û bi desan kesan cuya xo vînî kerde.''

Avûkatanê Aydinî ra Hemsereka ÎHDyî Erene Keskîn zî vat:  ''Seba ke kurdkî qisey kerd naye ra cade ame tepiştene. Mengêke ra zafêr zîndan de mend. Dima ra dewaya ke derheqê ci de ameye akerdene de reyna kudkî qisey kerd. Netîceya nê têkoşînî de  mecbur mendî ke qanûnê qedexeyê kurdkî wedarê.''

Waya Mentîn Goktepeyo ke ame qetilkerdene Meryeme Goktepe zî ard ziwan ke dosyayê vînîbîyayan bêceza yenê verdayene û vat: ''Seba ke Şukrane Aydin vat 'mêrdeyê mi dewlete kişt' ameye tehdîtkerdene ke wa îfadeyê xo peyser bianco. Bi desan rey banê ci ame sereşten, ameye destbendkerdene. 5 serrî verê berê ci de toroso sipî pawit. Ma semedê Vedat Aydin û heme vînîkerdeyanê xo do tim edalet biwazê.''