Emîne Şenyaşara ke mêrde û di lajê ci hetê pawitoxanê Wekîlê AKPyî yê verênî Halîl Îbrahîm Yildizî ra ameybî qetilkerdene, lajê xo Ferît Şenyaşarî reyde verê Wezîrîya Edaletî de Nobeta Edaletî rê roja 59ine de dewam kena.

Mayanê Haştîye û îdarekaranê Komeleya Heqanê Merdiman (ÎHD) Emîne Şenyaşar zîyaret kerde. Polîsan girse asteng kerd. Naye ser o Ferît Şenyaşarî nêrazîbîyayîşê xo mojna û vat: ''Ma bi serran o çalakîya xo rê dewam kena. Ma do heta caardişê edaletî zî dewam bikerê.''

Keyeyê Şenyaşaran verê wezîrîye de fitarê xo akerd û dima zî şi Meclîsî.