Mayê Şemeyî hewteyê 1017. de Meydanê Galatasarayî de ameyî têhet. Mayanê Şemeyî no hewte aqîbetê Huseyîn Morsumbulî persa ke 44 serrî verî hetê dewleta tirke ra amebi destbendkerdene û dima tira xeberêke nêamebî girewtene.

Masîde Ocaka ke birayê ci Hasan Ocak zî hetê dewlete ra dîyabi vinîkerdene, eşkerayîye wende û vat: ''Vîro ke bi şîdet û bêedaletî yeno dawisnayene ganî ma ey biresnê raştîye.''

Masîde Ocak dima qalê Huseyîn Morsumbulî kerde.

Birayê Huseyîn Morsumbulî Şahîn Morsumbulî vat: ''Ez wazena ke aqîbetê birayê xo bizana. Ez edaletî wazena. Ma do têkoşînê dadîya xo rê dewam bikerê.''

Çalakîye ra dima Meydanê Galatasarayî de sey her wextî qeranfîlî ameyî ronayene.