Mayê Şemeyî seba ke aqîbetê vînbîyayeyan bipersê û kiştoxî bêrê hukmkerdene xo seba çalakîya 'Wa vînbîyayeyî bêrê dîyene û kiştoxî bêrê hukmkerdene' ya hewteyê 800. amade kenê. Siba çalakîya mayan do biba 800. 25 serran ra nata mayî bêmabên rexmê pêro zorî û hêrişan gêrenê edaletî.

Mayê Şemeyî rîyê vîrusê Korona ra çalakîya hewteyê 800. medyaya komelkîye ser o do bikerê. Ewroa şan saete 21:00 de seba paştdayîşê çalakîya mayan veng do bêro dayene.

Siba çalakîye hesabê @CmrtesiAnneleri ser o saete 12:00 de do bêra weşanayene.

Kênaya Fehmî Tosunî Besna Tosun derheqê hewteyê 800. de qisey kerd û îfade kerd ke ganî her ke ewro şan saete 21:00 de paştî bido mayan û veng bido vengê mayan.

Komîteya Vera Vînbîyayeyan ê Destbendkerdeyan a Mîyanneteweyîye veng da ke mayan rê paştî bêra dayene.