Înîsîyatîfê Mayanê Haştîye yê Îstanbulî seba ke balê biancê Komployê Mîyannetweyî yê vera Rayberê Şarê Kurdî Abdullah Oclanî, tecrîdê Îmrlaiyî û grevê vêşanîye yê tepişteyan ser ameyî têhet.

Têhetameyîşo ke banê HDPyî yê qeza Bagcilarî yê Îstanbulî de ame kerdene aktîvîstê TJA û merdimê tepişteyan zî tewrê ci bîyî.

Mayan ra Gulere Bugdayci vat: ''Sey heme mayan ma zî haştîye wazenê. Ma prosesê zaf zehmetî ravêrnayî û ravêrnenê.  Ma pêro bedelanê pîlan danê. Nê îqtîdarî nika çim verdayo heme destkewteyanê kurdan. Ma sey mayî çirey nêva qesas. Wa her kes bizano ke mayî tim hetê haştîye de  bi û ewro ra tepîya zî do nê hetî de bimanê. Ma sîyaset nêkenê . Ma do semedê haştîya bianore û mendîye têkoşîn bikerê.''

Vervatoxa Meclîsê Mayanê Haştîye Behîya Gokgoz zî bale ante ziwanê hêrişkar ê Erdoganî û selahîyetdaranê îqtîdarî ser û vat: ''Seba ke ê leşkerê memirê ma şîyî Neteweyanê Yewbîyayeyan. Înan vat çi ke destê înan ra bêro do bikerê. Demek kî waştişê înan qedînayîşê nê şerê leyminî nêbi. Rewşa ma xeymê dinya de nîya. Çareserî ma yê. Mayê ke verê HDPyî de yê wa bêrê cayê ma, têkoşîno hemparî bidê. Sîstem înan şuxulneno. Semedê ameyîş haştîye ganî tecrîdê Îmraliyî bêro wedaritene.''

Mayan derheqê prosesê de muneqeşe kerd û qerar girewt ke ê do pêvînayîşanê dîplomasî bikerê.