Meclîsê Cinîyan ê HDPyî derheqê hêrişan de ke medyaya dîjîtale de vera cinîya Selahattîn Demîrtaşî Başake Demîrtaş yenê kerdene, eşkerayîyêke nuşte. 

Eşkerayîye de ame vatene ke îqtîdarê AKP-MHPyî pê rayîrê trolanê xo vera cinîyan hêrişê cînsîyî dewam keno. Eşkerayîye wina ya: ''Vizêr vera Başake Demîrtaş hêrişê cînsîyî ameyî kerdene. Çimeyê nê hêrişan polîtîkaya îqtîdarê AKPyî vera cinîyan a. Ma na hîşmendîya ke hêrişê Başake kena şinasnenê. No ziwanê cergan o. Ma zanenê ke îqtîdar pê polîtîkayanê xo cinîyan keno hedef. Coka no hêrişê vera Başake Demîrtaş, vera pêro cinîyan o.

Ma venga cinîyan danê ke vera polîtîkayanê AKP-MHPyî yê dişmenîya cinîyan bibê yew. Ma do pê xoverdayîş û paştdayîşî xo bipawê û biciwîyê.''