Vervatoxa Meclîsê Ciwanan ê DEM Partî Edanure Îbrahîmoglu derheqê weçînayîşanê herêmîyan û rojdemî de kombîyayîşê çapemenîye de qisey kerd.

Qiseykerdişê Edanure ra tay qismê girîngî wina yê:

''Ma derheqê weçînayîşanê 31ê adare de kombîyayîşan kenê. Weçînayîşan de hem şarê kurdî hem zî şaranê Tirkîya ancî eşkera kerd ke adresê çareserîye Birêz Abdullah Ocalan o.

Ciwanan Newroze rê serkêşîye kerde. Îradeyê Newroze yê ciwanan weçînayîşan de xo teze kerd.

Îqtîdarê AKP-MHPyî weçînayîşan de kerd ke îradeyê şaran xesp bikero. La şarê Wanî xo ver da. Ma zî uca de bi. Ma sereberz ê ke wayîrê îradeyê şarê Wanî vejîyayî. Eke ancî vera îradeyê şarê ma hêriş bêro kerdene ma do bi heman hewayî cewab bidê hêrişan.

Weçînayîşan de ma hêzê îradeyê şarî dî. Ma do çarçewa kampanyaya xo 'Vera şerê taybetî têkoşînêkê heybetînî' de kombîyayîşê xo de plannameyê xo amade bikerê.  Ma do bibê belayê sereyê faşîzmî û faşîzmî bin bivisnê. Netîce do bêhempa biba. Ma xoverdayîşê Wanî selam kenê.''