Tepişteyanê PKK û PAJKî 27ê teşrîna peyêne de zîndananê Tirkîya û Vakurê Kurdîstanî de vera tecrîdkerdişê Rayberê Şarê Kurdî Abdullah Ocalanî û binpaykerdişê heqanê tepişteyan grevê vêşanîye dabi destpêkerdene. Grev roja 55. de dewam keno.

Meclîsê Ciwanan ê HDPyî yê Îstanbulî seba ke bale bianco grevê vêşanîye yê tepişteyan ser Okmeydani de çalakîya rayraşîyayîşî kerde. Ciwanan îşlîgê HDPyî dayî xo rê û sloganê 'Biciwîyo Xoverdayîşê Zîndanan', 'Tepişteyan rê Azadîye' vatî. Ciwanan vilawekî vila kerdî.

Hemwelatîyan zî pê çepikan paştî daye ciwanan.

Ciwanan da zanayene ke ê do rêxistina HDPyî ya Kadikoyî de saete 15:00 de  eşkerayîya çapemenîye bidê û venga her kesî da ke tewrê eşkerayîye bibo.