Medya Haber TVyî ra kampanyaya paştîdayîşê mexdûranê erdlerzî

Medya Haber TVyî semedê paştîdayîşê mexdûranê erdlerzî, programo taybet organîze kerd ke weşanê ganî de do hetkarî bêro arêdayene.

Badê Stêrk TVyî, do emşo zî hetê Medya Haber TV yî ra semedê mexdûranê erdlerzî, weşanê ganî de hetkarî bêro arêdayene.

Programê 5 saetan ê Strêk TVyî ke 13ê sibate de ame kerdene, 200yî ra zafêr kesî tewrê ci bîyî, semedê mexdûranê erdlerzî 170 hezar Euro pere ame arêdayene.

Medya Haber TVyî da pêhesaneyne ke ê sey xebetkaranê dezgehê çapemenîya azade xo mîyan de hetkarî arêdanê û çarçewaya kampanya de programo taybet plan kerdo.

Program emşo do bi saeta Ewropa 18:00, bi saeta Amedî 20:00 de do dest pê bikero. Yeno pawitene ke do Ewropa, Kurdîstan û Tirkîya kurdî û dostê înan tewrê programî bibê. Hetkarîya ke do bêro arêdayene, do hetê Heyva Sor a Kurdîstanî û MAR-DEFî ra biresê mexdûranê erdlerzî.

Kamke wazeno tewrê kampanyaya hetkarîye bibo,  eşkeno nê numreyan ra bireso programî:

0032 53 66 36 71 - 0032 53 68 02 37 - 0032 53 68 39 51

No zî numreyê Whatsappî yo: 0032 467 81 16 76

Şimê eşkenê nê hesaban ra zî programî teqîp bikerê:

TWITTER: @medyahabertv_

INSTAGRAM: medyahabertvv

FACEBOOK: medyahabertvv

YOUTUBE: Youtube.com/MedyaHaberTV1