Mehkema qerarê dewamê tepiştişê Serdar Karakoçî da
Rojnameger Serdar Karakoço ke Hollanda de bi waştişê Almanya ame tepiştene ewro vejîya mahkeme. Mahkeme qerarê dewamê tepiştişî da û roniştişo bîn 20 rojî peyde ame eştene.
Rojnameger Serdar Karakoç o ke 23 serrî yo Hollanda de maneno bi waştişê Almanya 23ê gulane de keyeyê ci de ame destbendkerdene.
Kedkarê Çapemenîya Azade Serdar Karakoç ewro vejîya mehkeme. Mehkeme qerarê dewamê tepiştişê Karakoçî da û roniştişo bîn 20 rojî peyde ame eştene.
Serdar Karakoçî xeylêk wexto derg Çapemenîya Azade de xizmet kerd. Serranê 90yan de temsîlkarîya Ozgur Gundemî yê Îzmîrî kerd û buroyê merkezî rojnameyî yê Îstanbulî de îdarekarîye kerde. Gama ke 3ê kanûna 1994î de Ozgur Ulke dîya bombayan ver Serdar Karakoç zî bîna de bi.
