Wekîlo Verên ê HDP'yî Sirri Sureyya Onderî rîyê qiseykerdişê xo yê Newroze yê 2013 ê Meydanê Kazliçeşme ra 6'ê Kanûna 2018 ra nata Zîndanê Kandira yê Tîpê F'yî de tepişte yo.

Mehkemeya Ceza ya Girane ya 26'ine ya Stenbolî bi îddîaya "propagandaya rêxistine" cezaya zîndanî dabi Onderî û Mehkemeya Edlîye ya Herême ya Stenbolî (îstînaf) cezaya zîndanî tesdîq kerdibi û ceza amebi eşkerakerdene. Mehkemeya Huqûqê Bingeyênî muracatê Onderî ser ke dimayê tasdîqê ceza kerdibi, cigêrayîş kerd û qerar da ke "îhlalkerdişê azadîye yê îfadekerdişî" ame meydan.