28ê êlula 2009î de Ceylane Onkola 12 serre deweka Xanbazî ya dewa Şenlîkî ya qezaya Licê de wexto ke pezê xo çêrnayêne pê guleyê leşkeran ameye qetilkerdene. Keyeyê Onkolî derheqê Wezaretê Karanê Zereyî de dewaya tazmînatî akerdbi.  

Keyeyî pê rayîrê avûkatanê Komeleya Heqanê Merdiman (ÎHD) Mehkemeya Îdarî de dewa akerde. Mehkeme dima ke dokument û dîmenê serebûtî sero cigêra eşkera kerd ke Wezaretî tedbîrê qîmî nêgirewtê û se ra 90 biqûsir o.

Mehkeme bire daye ke wa Wezaret qasê 238 hezar TL tazmînatê madî û manewî bido keyeyê Ceylane.