28ê êlula 2009î  de Ceylane Onkola 12 serrî deweka Xambazî ya dewa Xiraba ya qezaya Licê ya Amedî de de wexto ke pesî çerênayîne, bi topê hewanî ameye qetilkerdene. Dozger bi bahaneyê ''asayîşê ganî çîn o'' nêşi cayê qewimîyayîşî û cenazaya Ceylana 6 saetî erdî de mend. 11 serrî ravêrtî la hema  zî berpirsîyarî nêameyî muhakemekerdene.

Hetkara  Hemserekanê  Pêroyî yê ÎHDyî avûkat Rahşane Bataray ard ziwan ke dewa bi serran o dewam kena le averşîyayîşêk çin o û vat: "Semedo ke muhakemekerdiş bi serran o dewam keno, ma fikrîyenê ke şirê Mehkemeya Qanûnê Bingeyênî. Çunku wina dergkerdişê hukmkerdişî binpaykerdişê heq û heqûqî yo.''

Rahşane vist vîrî ke 11 serrî qedîyayî û kewto 12 serran û wina vat: "Prosesê huqûqî dewam keno. Yew Mehkemeya Heqanê Merdiman a Ewropa (MHME) yew zî sey lingê îdareyê mehkema yê Tirkîya esto. Wextê ke proseso newe dest pêkerd, serebûte têkoşînê bi terorî dir hûmara 5233 de çarçewaya tazmînê ziraro ke ameyo ciwîyayayene de ame ercnayene. Ma îtîraz kerd û vat, qusurê xizmetî yo. Dozger û îdareyî vat, o ware hetê dewijan ra ameyîne xebitnayene û Ceylane tede kay kerdêne. No het ra cigêrayîş dest pêkerd. La Daniştayî qerar xira kerd. Ma şî rayîrê temyîzî. Çeleyê 2019î de qerar da. Qerar xira kerdî û vat, ‘‘xizmet de qusur esto‘‘ û newe ra erşawit.''

Rahşane ard ziwan ke serê agêyrayîşê Daniştayî ra serrêk derbaz bîyo, vera ke mehkeme qerar bido, hema qerar nêdaya û vat: "Seba dosyaya dozgerîye zî qerarê ci nîno dayene û berpirsîyarî nînê tespîtkerdene, dosya ameye girewtene. Na çarçewa de ma muracatê MHME kerd. Muracat de seba tespîtêkê binpaykerdişî nêame kerdene zî qerarê redkerdiş  ame dayene. Çi heyf, Tirkîya de hedîseyê wina de bêcezabîyayîşêko cidî esto. Heta ke no wina bo zî do sûc zêde bo. Ma do her wext taqîbkerdoxê dewa bê. Ma fikrîyenê ke şêrê Mehkemeya Berze."