Kombîyayîşê teşrîna verêne yê Şaredarîya Baglarî ya Amedî  de Grûba Meclîsî ya HDP'yî vernîyazêk da ke nameyê Ceylan Onkola ke 28ê êlula 2009 de bi hawanê leşkerî wefat kerd, bêro parkêk rê bêro dayene. Dimayê kombîyayîş vernîyaz ame qebulkerdene.

Qaymeqamîya Baglarî qeraro ke bi  zafê rayan amebi girewtene, red kerd û destûr nêde ke nameyê Ceylan Onkole  parke rê bêro dayene. Meclîsê Şaredarîya Baglarî 4ê teşrîna  verêna 2017 de zî nameyê Ceylan Onkole dabi heman parke la qaymeqamîye no qerar zî red kerdibi. 

Ceylan Onkole (12) tarîxê 28 êlula 2009 de wexto ke mezraya Xambazî ya Licê de heywenî berdêne verê vaşî, bi bombaya hawanî ya ke hetê qereqolî ra amebi eştene, wefat kerdibi.