Mehkemeya Berze derheqê avûkatanê endamanê ÇHD û HHByî de bira xo eşkera kerde û cezaya Ebru Tîmtîka ke roja 238. ya rojeyê mergî de merde û yê 4 avûkatanê bînan xera kerde. La mehkeme cezaya 14 avûkatan tesdîq kerde.

Dayîreyê Ceza yê 16. yê Mehkemeya Berze cezaya Ebru Tîmtîk, Barkin Tîmtîk, Selçuk Kozagaçli û Ezgî Çakir xera kerde. 

Mehkemeya Cezaya Girane ya 37. ya Îstanbulî de avûkatan rê cezaya zîndanî ya 159 serran dabi. Mehkeme ceza dabi nê avûkatan; Aytaç Unsal, Engîn Gokogluyî rê bi sucê ‘endamîya rêxistine’ 10.5 serran, 

Barkin Tîmtîkî rê bi sûcê ‘awankerdişê rêxistine û îdareyî’ 18 serre û 9 mengan, Behîç Aşçi rê bi sûcê ‘endamîya  rêxistin’ 12 serran, Aycan Çîçekî rê bi sûcê ‘endamîya rêxistine’ 9 serran, Ebrû Tîmtîke rê bi sûcê ‘endamîya rêxistine’ 13.5 serra, Şukrîye Erden rê bi sûcê ‘endamîya rêxistine’ 12 serran, Naciye Demîr rê bi sûcê ‘endamîya rêxistine’ rê 9 serran, Ozgur Yilmazî rê bi sûcê ‘endamîya rêxistine’ 13.5 serran, Ayşegul Çagatay, Yagmure Ereren, Dîdeme Baydar Unsal, Yaprake Turkmen rê bi sûcê ‘hetkarîya  rêxistine’ 3 serre û 9 mengan, Ahmet Mandacî, Zehra Ozdemîr bi sûcê ‘hetkarîya rêxistine’ 3 serre û 1 menge û 15 rojan, Ezgî Çakir rê bi sûcê ‘endamîya rêxistine’ 8 serran.