Roniştişê dewaya Hemsereka esîre ya HDPyî Fîgene Yuksekdag Mehkemeya Cezaya Girane ya 16. ya Anqara de ame kerdene. Yuksekdage Zîndanê Kandira ra pê rayîrê SEGBÎSî tewra dewa bîye. Avûkatê Yuksekdage û wekîlê HDPyî Semra Guzel, Kemal Pekgoz û Mahmut Togrul zî mehkeme de amade bîyî. 

Yuksekdage mehkeme de wina pawitişê xo kerd: ''Tepişîyayîşê mi berhemê darbeya sîyasî yo. Darbe hema zî dewam kena. Darbe ra 4 serrî derbaz bîyî. Ma warê ekonomî û cuya komelkî de zêdêr tesîrê na darbe vînenê. Ma mexdûrê darbe yê ke huqûqî rê ameye kerdene.''

Pawitişî ra dima avûkatanê Yuksakdage Rûkene Gulagaci û Sezîne Uçar qisey kerd.

Dozgerîye waşt ke Yuksakdage tepişte bimana. Heyetê mehkeme zî no waştiş qebul kerd. Endamêkê heyetê mehkeme şerh da bire ser. 

Roniştiş taloqê 28ê êlule ame kerdene.