Hemsereka Kongreya Komelê Demokratîkî Leyla Guvena ke Zîndanê Sîncanî de tepişîyena derheqê weçînayîşanê herêmîyan de şarê Riha rê mektubêke şawite.

Leyla Guven mektuba xo de nê çîyî ardî ziwan:

''Erdê destpêkê merdimatîye de şima bi esalet û tewirê xo erjê tewr girîngî zêdînayî. Şima welatê Îbrahîman ra yê. Şima bi sînoranê ke erdê şima yê fîrazî de ronîyayê yewbînan ra ameyî dûrvistene. Têlî kewtî mabênê şima. Şima vera xizanîye, cîyakerîye û nêbîyayîşê xizmetî tim sebrê Eyubî mojna.

Şarê ma yo ercîyaye DEM DEMê ci yo ke ma destê Nemrûdan ra şaristanê ma bixelisnê. Riha do bi tewirê namzedanê ma yê şaredarîya demokratîke ancî nasnameyê xo bivisna destî. Ma vînenê ke partîyê zengînan şer kenê. Namzedê DEM Partî ya ke partîya karker, kedkar, xizan, cinî, ciwan û bindestan a ganî vajê 'Hinî bes o' û nê weçînayîşan de ser bikewê.

Ma bi rêz û heskerdişî  şarê Riha selam kenê. Ma namzedanê DEM Partî rê serkewtiş wazenê.''