Meqaleya ke pawitiş û eşkerayîyanê Rayberê Şarê Kurdî Abdullah Ocalanî ra ameye raameyene, kovara Jacobînî ya Amerîka de ameye weşanayene.

Meqale de ame vatene ke Ocalan ronayoxê Partîya Karkeran ê Kurdîstanî (PKK) yo û temsîlkaranê tewr muhîman ê sîyasîyan ê kurdan ra yo. Reyna derheqê remnayîşê Ocalanî yê Kenya ra heta tecrîdê Îmraliyî zanayîş ame dayene. Meqale de bale ameye antene serê nuşteyanê Ocalanî yê derheqê felsefe û polîtîka ser û ame vatene ke semedê çareserîya meseleya kurdî Ocalan warîyê rolêkê pîlî yo. Meqale de derheqê kitabanê Ocalanî de zî zanayîş ame dayene.

Meqaleya bi nameyê ''Semedê Tirkîya, Surîye û kurdan çareserîya mi neteweya demokratîk a'' ra tay cayî wina yê:

''Merdimîye ke bîya sebebê nê şer, bêkarîye, vêşanîye û nêçarîye ganî senî vernîya nê dejan û axan bîgêro? Îdîaya îqtîdarê netewe-dewete komelî paweno, xeletîya tewr pîle ya. Komelo ke ancîyeno mîyanê rewşa şerî, bi qirkeridşî rî bi rî yo. Seserra peyêne de serûberkerdişê netewe-dewlete qîym nêkerd ke modernîteya kapîtalîste bixelisno. Ewropa de Pêkerdişê Versailles yena çi mana se, semedê Rojhelatê Mîyanênî zî Pêkerdişê Sykes-Picot eynî çî ya.

Çîyo ke walîtîyanê Împaratorîya  Roma wextêk herême de îfade kerdênê, netewe-dewlete roja ma  de zî eynî çî îfade kena. Hîna zafêr hemkar ê  û tradîsyonanê kulturkî yê herême ra dûr ê.  Tafsîyekerdişê komelê tradîsyonkî yeno manaya şerê vera şaran. Xarîtayê ke bi cetvelan ameyî xêzkerdene zî mabênê deweltanê viraşteyan de vengdayîşê şerî yê.

Roja ma de Şerê Dinîya yo Hîrêyen yeno ciwîyayene ke giranîya ci merkezê cografyaya Rojhelatê Mîyanênî kulturê ci yo. No şer sey çerçewe û demî di şerranê verênan ra zafêr xorî û derg o. Herême de potansîyelê xonewekerdişî yê sîstemî çîn o. Çoka helisyayîş û vilakerdiş aver şino.  Qederê nê şerî bi qewimîyayîşanê Kurdîstanî  do bewlî bibo.

Xora Iraq û  Sûrîye de  no eşkera yeno vînayene. Rojhelato Mîyanêno ke çimeyê berardişî yo bigeyên ê medenîyetî yo de israkerdişê estbîyayîşê netewe-dewlete felaket ano. Netewe-dewleta tirkî zî bi qirkerdişê xo yê peyênî yê vera kurdan vana qey xo kenê ebedî la eke ê paradîgmaya mebedilnê sere de semedê şarê kurd û tirkî semedê şaranê bînan ê herême rolê mezarkendişî kay kenê. Rewşa Îranî zî ya ameyoxî zî bewlî nîya.  Kurdê ke her lete de raştê îmha û asîmîlasyonanê cîya cîyayan yenê rewşşa înan felaket a. Kurdê ke gangêş de yê xelisîyayîş projeya neteweya demokratîke dî û  game bi game aver şinê.

Senî ke ez tim vana kurdan senî ke rolê xo yê wextê şefeqî yê modernîte de kay kerd, na rey zî bigeyê Modernîteya Demokratîke de kay kenê. Kurdanê ke DAÎŞî rê da vînîkerdene pê Paradîgmaya Azadîye ya Cinîyan heme dinya rê bîyî model. Ewro qewimîyayîşê Rojawanî merhaleyêka muhîme de yê.

Şerê ma yo ke seserrî yo bi Tirkîya dewam keno de ma par bi deklaresyonê 7 madeyan rewşe û ewnîyayîşê hetê xo eşkera kerd. Ma 1993 ra nate semedê çareserî têgêrenê ke vengdayîşê ma nika her waxtî ra xurtêr o. Vengdayîşê ma yê çareserî yê Newroza 2013î hîna zelal o. Ewro heme problemî eşkenê pê hêzê nermî bêrê çareserkerdene. Eke  şertî bêrê ca ez eşkena hewteyêk de îxtîmalê pêkewtişî binate ra wedarî. Her çî bi serkewtişê têkoşînê kurdan do bewlî bibo û peynî de azadîye do ser bikewo.''