Polîsê tirkî 20ê çeleyî de Gokhan Guneş remna û hema zî ci ra xeberêke nêameyî girewtene. Merdim û embazê Guneşî ke aqibetê ey persayî ameyî destbendkerdene.

Embaz û merdimê Guneşî verê Cemxaneyê semtê Îkîtelî de ameyî têhet. Bi sloganê ''Gokan Guneş ça de yo'', ''Ma do Gokhan Guneşî vînê'' ver bi Qereqolê Şehîd Zekî Kaya rayra şîyî. Verê qereqolî de waye Nurhayate Guneş eşkerayîye daye. Guneşe vist vîrî ke birayê xi 4 rojî verê ci  hetê polîsan ra ame emnayene û tira qet xeberêke nêameya girewtene û vat heta vînayîşê ey ê do mevindê.

Polîsan hêrişê çalkîye kerde û wayê Guneşî Nurhayate, Gulhate û Sîneme Guneş, ema ci Zubeyde Guneş, detkênaya ci Nazlicane Guneş, Endama HDP PMyî  Helîne Yilamz, Ezgî Gokçay, Ferhat Harun Pehlîvan, Bedran Çogaltay, Tanya Kara, Ela Denîz Aybayrak, Ozge Dogan bi derbkerdişî destbend kerdî.

Hetê bînî ra avûkatê Gokhan Guneşî Sezgîn Uçarî Serdozgerîya Komare ya Kuçukçekmece  rê derheqê remnayîşî de pêhesanyîşê sûcî kerd.