Amed, Êlih û Colemêrg de merdimê vînîkerdeyan semedê Mehmet Sincar, Mehmet Emin Çelik û Daryoş Aygol yê ke hetê hêzanê dewleta tirke ra ameyî qetilkerdene, ameyî têhet.

Amed de endamê Komeleya Heqanê Merdiman (ÎHD) û merdimê vînîkerdeyan  Parka Koşoyolu ya Rezanî de bi şîarê ''Vînîkerdeyî wa bêrê vînayene û kerdoxî bêrê muhakemekerdene''  çalakîya xo ya 813ine kerde. Çalakîya nê hewteyî de hîkayeya Mehmet Sincarî ameye wendene ke 4ê êlula 1993yî de Êlih de hêrişê çekdarî de ame qetilkerdene.

Êlih de zî endamê ÎHDyî û merdimê vînîkerdeyan Kuçeyê Gulîstane de çalakîya xo ya 649ine kerde. Çalakîye de semedê Mehmet Emin Çelîkî adelet ame waştene ke 28ê tebaxa 1994î de qezaya Hezoyî de hetê tîmanê taybetan ê dewleta tirke ra keyeyî ra ame girewtene û ame înfazkerdene.

Colêmerg de zî zî endamê ÎHDyî û merdimê vînîkerdeyan qezaya Geverî de çalakîya xo 139ine kerde. Çalakîya nê hewteyî de semedê Daryoş Aygol edalet ame waştene ke Esendereyê Geverî de 1991 de ame qetilkerdene