Çalakîya ''Edalet û huqûqî bîyarê ca'' ya keyeyanê tepişteyan dewam kena. Keyeyan vizêr Anqara de Mudirê Qelema Taybete û Amirê Tetkîkî yê Wezîrîya Edaletî Îrfan Yilmazî de pêvînayîş kerd. 

Pêvînayîşî ra dima Merkezê DEM Partî de girseyî eşkerayîye daye. Maya Haştîye Hanîfe Gulmuş da zanayene ke Wezîrê Edaletî nêwaşt înan de pêvînayîş bikero. Hanîfe Gulmuş vat: ''Ma vat ke heta ke domanê ma hucreyan de tepişte bibê ma zî çalakîya xo rê do dewam bikerê. Domanê ma seba azadîya Abdullah Ocalanî çalakîye de yê û nika pêvînayîşan boykot kenê.''

Maya Haştîye Behîye Yalçin zî vat ke wezîrî pêvînayîş qebul nêkerd. Behîye vat: ''Ma hetê tepişteyan de yê û tim hetê înan de bimanê.''

Maya Haştîye Peyruze Kurt vat: ''Ma haştîye wazenê. Ma zulmî qebul nêkenê.''