Amed de çalakîya ''Wa vîndîbîyayeyî bêrê dîyenê, faîlî bêrê muhakemekerdene'' ya Şubeyê ÎHDyî ya Amedî hewteyê 800inî de verê Peykerê Heqanê Merdiman de ameye kerdene.

Çalakîye de aqîbetê Vasif Ozturkî ame perskerdene ke 1ê hezîrana 1994î de dewa Comarî ya qezaya Pasurî ya Amedî de amebi destbendkerdene û dima tira xeberêke nêameye girewtene.

Serekê ÎHDyî yê Amedî Ercan Yilmazî çalakîye de vat ke ê do heta faîlî ceza bigêrê peynîya dewaya xo war nêverdê. 

Keyeyan ra Îffete Tekdag zî ard ziwan ke gorê merdimanê înan zî çin ê û hê gêrenê esteyanê merdimanê xo. Îffete vat: ''Ma heqê xo dewlete rê helal nêkenê.

Cinîya Vasif Ozturkî Lahîye Ozturk vat: ''Ma her roje gêrenê esteyan. Heta ke weş bibê ma do peyê esteyan de bibê. Ma wazenê gorêkê mêrdeyê mi wa est bo.''

Dima eşkerayîye ameye dayene.

Êlih de verê Peykerê Heqanê Merdiman de, Cadeyê Gulîstane de çalakîya hewteyê 800inî ameye kerdene. Rêxistinê DEM Partî ^y DBPyî, Endamê Meclîsê Mayanê Haştîye, TJA û xeylêk rêxistinanê komelê sivîlî tewrê çalakîye bîyî. Îdarekarê ÎHDyî yê Êlihî Rêzan Baytarî eşkerayîye wende. Çalakîye de aqîbetê Îsa Gokî ame perskerdene ke hezîrana 1994î de dîyabi vînîkerdene. Eşkerayîye bi çalakîya roniştişî qedîyaye.