Seba ke Wezîrîya Karanê Teberî ya Tirkîya şaredarîyanê Mêrdîn, Êlih û Xelfetî de  qeyûm ca kerd û îradeyê şarî xesb kerd, şarê kurdî vera bi rojan o kuçeyan de yo.

Êlih de bi tewrbîyayîşê temsîlkaranê xeylê dezgeanê komelê sîvîlî  û partîyanê sîyasîyan bi hezaran kesî rayra şîyî û bi slogananê “Bijî Serok Apo”, “Bê Serok jiyan nabe” û “Jin jiyan azadî” kuçeyê Êlihî zimnayî.

Polîsan bi awa tazîkin û gazê îsotî hêrişê şarî kerd, ciwanan zî bi xoverdayîşî cewabê polîsan da.

Hêrişê polîsan de muxabîra JINNEWSî Pelşîne Çetînkaya û xeylê kesî ameyî destbendkerdene. Reyna xebatkarê rojnameyê Yeni Yaşamî Veysi Akuren zî ame destbendkerdene.

 DEM Partî no hewte kombîyayîşê xo yo heftane verê Şaredarîya Bajarê Pîlî yê Mêrdînî  de  kerd. Hemserekê Pêroyî yê DEM Partî Tulaye Hatimogullari û Tuncer Bakirhanî verê şaredarîye de ya ke ameye xespkerdene, qisey kerd. Hatimogullari semedê xurtkerdişê têkoşînê hemparî veng da û Bakirhanî vat: ''Îmrali de Birêz Ocalanî tecrîd kenê û  DEM Partî sîyaset de tecrîd kenî. No verê welatî anêkeno. Tecrîd xirabîya tewr pila ke vera welatî yena kerdene.''

Xelfetî de zî vera xespkerdişê şaredarîyan xoverdayîşê şarî roja diyîne de bi deyîranê kurdkî û govende dewam kerd. Xoverdayîş de yo ke serkêşîya endamanê Meclîsê Dayîkanê Haştîye yê Riha de verê banê şaredarîye yo ke hetê polîsan ra gerîyayo binê ablûqa yeno kerdene de sogalnê sey "Bijî berxwedana Xelfetî" ameyî vatene.