Qezayanê Artuklu û Qoserî yê Mêrdînî de polîsan serê sibayî eşt keyeyan ser û xeylêk kesî destbend kerdî. Sereştişan de Serhat Akpinar û Bawer Akpinar, Remezan Kalkan, Çekdar Ermîş, Rûbar Kaya û gelek ciwanê ke nameyê înan nêzanîyenê ameyî destbendkerdene.

Taxa Saraçogluyî ya Artukluyî de sereştişê vera keyeyê Ramazan Kalkanî de polîsan babîyê Kalkan Davut Kalkan, birayê ci Agît Kalkan û Emîne Kalkana digane derb kerdî. Derbkerdişan ra bedenê înan de birînî virazîyayî. Endamanê keyeyî nêweşxane de raporê derbe girewt.