Rêxistinê kurdan ê welatanê Skandinavya Swêd, Norweç, Danîmarka û Finlanîya peynîya hewteyî de ameyî pêser û înan kombîyayîşê xo de bire daye ke binê rêxistinêke de tim bêrê pêser.

Ni nê armancî Merkezê Komelê Demokratîkî yê Kurdan ê Skandinavya ronîya û sey hemserekan Ridvan Altun û Nadia Saleh ameyî weçînayene. 

Kombîyayîş de vera operasyonanê qirkerdişî yê dewleta tirke yê vera Kurdîstanî seba paştdayîşê Têgêrayîşê Azadîye yê Kurdîstanî tay birî ameyî girewtene.Goreyê naye 22ê tebaxe de Stockholm, Goteborg, Kopenhagen, Oslo û Helsinki de seba paştdayîşê xoverdayîşê Heftanînî tay çalakîyî do bêrê kerdene. Festîvala Kulturî ya Skandinabya de Stockholm, Goteborg, Kopenhagen, Oslo û Helsinki de 'rojê kulturî yê kurdan' do bêrê kerdene. 9ê teşrîna verêne de vera Komploya Mîyanneteweyî, seba ronîkerdişê kişîyayîşê Palmeyî û seba ke PKK lîsteya terorî ra bêro vetene Stockholm, Kopenhagen, Oslo û Helsinki de rayraşîyayîşî do bêrê kerdene.

Ridvan Altunî ANFyî reyde qisey kerd û vat ke rêxistinbîyayîşê înan do tesîrê her warê sîyasî û dîplomatîkî bikero. Nadia Saleh zî selam da xoverdayîşê Heftanînî û venga dinya da ke dewleta tirke şermezar bikera.