Sereka Konseya Merkezî ya Yewîyan Tabîbanê Tirkan (TTB) Şebneme Korur Fîncanci bi îdîaya 'propagandaya rêxistine' amebî destbendkerdene.

Şebneme Korur Fîncanciya ke Mudirîya Polîsan a Anqara de ameyêne tepiştene serê sibayî sewqê edlîye bîye. Aye bi rayîrê avûkatan no mesaj şawit:

''Embazê min ê ercîyayeyî, ez xemgîn a ke şima rewşêka winasêne de têrî mendî. La ez zanena ke ma do bi paştdayîşî heqê nê prosesî ra bêrê. Wexto ke no proses biqedo ma do delîlan komelî de vila bikerê. Ez zanena ke nika zaf karê şima est ê la heyf ke mi zî bara şima girane kerde. Ma do heqê na kampanyaya reşkerdişî ra bêrê û pîya têkoşîn bikerê. Bi hêvîya ke ma pîya sîstemê weşîye yê merdimaneyî awan bikerê.''