Parlamenterê HDP’yî yê Çewlîgî Erdal Aydemîrî  meseleyê Elewîyanê ke herêma Karerî ya Çewlîg de yê kiriştî rojdemê meclîsî.

Aydemîrî vat: ’’9 dewê ke herêma Karerî de yê zafê înan Elewî yê.  Nê cayan rê wextê ronayîşê komare ra xizmet nêameyo berdene. Ma kewenê serra 2020’î la hema rayîrê dewan nêameyî viraştene. Sunîyan û Elewîyan rê eynî xizmet nêno kerdene. No seserre ya ke wina yo. Bitaybetî zî herêma Karerî de hem rayîrî nêameyî viraştene hem zî xeta telefonî çîn a. Meseleyê awe esta. Dibistan çîn o. Nê dewê Elewîyan xizmetê weşîye ra zî mehrûm ê. Seserr a ke hem hetê sîstemî hem zî hetê îdareyanê herêmî ra bi zanayîşî Elewîyî cîya yenê tepiştene û heme xizmetan ra mehrûm yenê verdayene. Ganî cade rayîrê nê dewanê herêma Karerî bêrê viraştene û heme meseleyê înan ê bînî zî bêrê çareserkerdene.’’