MHME'yî seba Cizîrî qerarêko sosret da

Mehkemaya Heqanê Merdiman a Ewropa (MHME) muracato ke semedê Orhan Tûnçî yê derheqê hovîtîya giran a cêrzemînan ê Cizîrî de amebi kerdene, red kerd.

MHME’yî  derheqê qetilkerdişê 137 kesan ê ke serranê 2015-2016'î de cêrzemînan ê qezaya Cizîrî ya Şirnexî de ameybî kerdene de, qerarê xo da. Seba roniştişo ke avûkat Ramazan Demîr temsîl keno  qerarê ‘nêşeno bêro qebulkerdene’ ame girewtene.

No muracat verê cû hetê Mehmet Tunçî ra, seba birayê ey Orhan Tunçî amebi kerdene. Bado ke Mehmet Tunç û Orhan Tunç Sibate 2016'î de ameyî qetilkerdene, muracat amebi newekerdene. Bi muracatanê pîyê Mehmet Tunç û Orhan Tunçî  û Guler Yerbasane û Zeynep Tunçe waştişê dewaya ameye dewamkerdene.  Roniştişê mehkema yê ewro de muracat ame redkerdene.

Cizîrî de wexto ke qedexeyê tebervejîyayîşê teberî yo ke  14'ê Kanûne 2015'î de ame despêkerdene û 79 rojî dewam kerd, 7'ê Sibate 2016'î de 137 kesê ke cêrzemînan de maxsur mendîbî ameyîbî qetilkerdene. Komîserîya Berz a Heqanê Merdiman ya Neteweyê Yewbîyayeyî zî serê hovîtîya ke tîya de qewimîyayîbî vat, “rewşêka sey qiyametî” ya. Zaf rêxistinanê heqê merdiman vatîbî nê hêrişê ke merdimanê sivîlan kenê hedefê xo sucê şerî yo.

Qerarêka hetê Meclîsê Parlamenterî yê Konseya Ewropa ra amebi girewtene de ame vatêne ke  rîyê qedexeyê tebervejîyayîşan ra 1,6 milyon kesî zerar dîyo û 355 hezar kesî zî bîyî koçberî.