Şaristanê Milanoyî yê Îtalya de bi şîarê 'Wextê Hêvîye' bi seyan kesî konser de ameyî têhet û înan Rayberê Şarê Kurdî rê azadîye û Kurdîstanî rê statu waşt. Konser û panel serkêşîya Buroyê Enformasyonî yê Kurdîstanî, Rete Kurdistan-Îtalya û Partîya Komunîste ya Newe ra Awankerdişî de ameyî kerdene. 

Warê aktîvîteyan bi fotografanê Rayberê Şarê Kurdî xemilîya. Standan de zî kitabê Abdullah Ocalanî ameyî rotene.

Hêverî derheqê fikranê Rayberê Şarê Kurdî û Şorişê Rojawan de panelêk ame kerdene. Sîyasetmedara kurde Hazale Koyuncuer, karîkaturîst Zerocalcare, açarnayx Punto Russo, edîtor Roberto Mapellî û rojnameger Giacomo Siniyî panel de qisey kerd.

Hazale Koyuncuer vist vîrî ke şar azadîya Rayberê Şarê Kurdî wazeno. Açarnayox Punto Russo û edîtor Mapelliyî zî bale ante Şorişê Rojawanî ser û înan vat: ''Ganî ma azadîya Abdullah Ocalanî bîyarê ca û statuyê Rojawanî bipawê.''

Karîkaturîst Zerocalcareyî îfade kerd ke Şorişê Rojawanî şorişêko sosyalîst o û netîceya bedelanê giranan de ronîyayo. Karîkaturîstî panel de waşt ke wa qedexeyê vera PKKyî bêro wedaritene.

Rojnameger Giacomo Siniyî ard ziwan ke dewleta tirke tim hêrişê Rojawanî kena û vera ney ganî Rojawan û Şorişê Rojawanî bipawîyê.