Milîsanê Têgêrayîşê Şorişgêrî yê Yewbîyayeyî yê Şaran (HBDH) eşkerayîyêka nuştekîye weşanaye û derheqê çalakîya xo de zanayîşî dayî.

Eşkerayîya HBDHyî wina ya: ''23ê tebaxe de qezaya Seferîhîsarî ya Îzmîrî de rayîrê plajî de çalakîya sabotajî ameye kerdene. Netîce de 57 wesayîtê seba tatîlî ameybî, ameyî vêşnayene.Tirkîya welatêko turîstîk nîyo, cayê tatîlî nîyo. Welatê şerî yo û serdestî kurd û bindestan rê zulm kenê. Ganî turîstê xerîbî na raştîye bivînê. Xo ci ra dûrî bigêrê. Heta ke faşîzm do bêro rijnayene û azadî ser bikewa Tirkîya cayêkê turîzmî nê cayêkê şer, xoverdayîş û têkoşînî yo.''